Gəncə-Daşkəsən Regional Təhsil İdarəsinə yeni müdir müavini təyin olunub.
Gencexeber.az-a bu barədə Məktəbəqədər və Ümumi Təhsil üzrə Dövlət Agentliyindən (MÜTDA) məlumat verilib.
Bildirilib ki, Məktəbəqədər və Ümumi Təhsil üzrə Dövlət Agentliyinin direktorunun müvafiq əmrilə Məmmədtağıyev Elmin Məmmədtağı oğlu Gəncə-Daşkəsən Regional Təhsil İdarəsinə müdir müavini vəzifəsinə təyin edilib.
Qeyd olunub ki, Elmin Məmmədtağıyev 2017-ci ildə Lerik rayonunun Veri Əliabad kənd ümumi orta məktəbində müəllim kimi fəaliyyətə başlayıb. O, 2018–2022-ci illərdə Kəlbəcər rayon Təhsil şöbəsində məsləhətçi vəzifəsində işləyib. 2022-ci ildən etibarən Mərkəzi Aran Regional Təhsil İdarəsində əvvəlcə məsləhətçi, daha sonra İnzibati təşkilat sektorunun müdiri vəzifələrində çalışıb. 2025-ci ildən bu təyinata qədər isə Gəncə-Daşkəsən Regional Təhsil İdarəsində Tədrisin keyfiyyəti sektorunun müdiri olub.
