Gəncə idmançısı beynəlxalq arenada uğura imza atıb.
Gencexeber.az-ın məlumatına görə, Türkiyənin Antalya şəhərində təxminən 600 idmançının iştirakı ilə yeniyetmələr arasında 28-ci Beynəlxalq U-17 Zəfər Kuboku keçirilib. 71 kq çəki dərəcəsində rəqiblərinə şans tanımayan 2010-cu il təvəllüdlü Əli Məmmədov birinci yerə layiq görülərək qızıl medalla təltif edilib.
Qeyd edək ki, Əli Məmmədov yarışlara şəxsi məşqçisi Mehman Allahverdiyevin rəhbərliyi ilə hazırlaşıb. O, Gəncə idman liseyinin 9-cu sinif şagirdidir.
Xatırladaq ki, daha öncə 51 kq çəki dərəcəsində mübarizəyə qatılan digər gəncəli idmançı İbrahim Həsənov da keçirdiyi bütün görüşləri qələbə ilə başa vuraraq qızıl medal qazanıb.
