Azərbaycanda insan alveri cinayət əməllərinə görə hazırda axtarışda olan təqsirləndirilən şəxslərin sayı 13 nəfərdir.
Gencexeber.az unikal.az-a istinadən məlumat verir ki, onlardan 2-si Gəncə şəhər sakinləridir.
Məlumata görə, axtarışda olan şəxslərdən biri – 1987-ci il təvəllüdlü Ruhəngiz Şükür qızı Orucovadır. Onun barəsində Azərbaycan Respublikası Cinayət Məcəlləsinin insan alveri maddəsi ilə 2021-ci ildə axtarış elan edilib və həbs qətimkan tədbiri seçilib. O, İnterpol kanalları vasitəsilə beynəlxalq axtarışdadır.
Digər şəxs – 1964-cü il təvəllüdlü Validə Tahir qızı Quliyevadır. Bu qadın isə eyni maddə ilə 2012-ci ildən axtarışa verilib. Barəsində həbs qətimkan tədbiri seçilən qadın İnterpol xətti ilə beynəlxalq axtarışdadır.
Faktla bağlı müvafiq qurumlar tərəfindən əməliyyat-axtarış tədbirləri davam etdirilir.
