Gəncənin Sevinc qəsəbəsində, 21 nömrəli məktəbin yaxınlığında yerləşən avtobus dayanacağının ətrafında antisanitar vəziyyət yaranıb.
Gencexeber.az-a sakinlər tərəfindən ünvanlanan şikayətlərə görə, avtobus dayanacağı işarəsinin yerləşdiyi ərazi mütəmadi olaraq məişət və digər tullantılarla çirkləndirilir. Bu səbəbdən ətrafda üfunət yayılır.
Qeyd olunur ki, mövcud vəziyyət həm dayanacaqdan istifadə edən sərnişinlər, həm də ətrafda yaşayan sakinlər üçün ciddi narahatlıq yaradır.
Sakinlər ümid edirlər ki, aidiyyəti qurumlar məsələni nəzarətə götürərək ərazidə təmizlik işləri aparacaq, eyni zamanda belə halların qarşısının alınması üçün profilaktik söhbətlər aparılacaq və zərurət yaranarsa, inzibati tədbirlər görüləcək.
