Davulçu Aysel keçirdiyi qəzadan sonra pərəstişkarlarına müraciət edib.
Gencexeber.az məlumat verir ki, qəza baş verdikdən qısa müddət sonra sosial şəbəkə hesabında paylaşım edən musiqiçi qolunda gipslə görüntüsünü yayımlayıb. O, sənətini sevənlərə müraciət edərək qeyd edib ki, bir müddət davul ifa edə bilməsə də, el şənliklərində mahnı oxuyaraq iştirak etməyi planlaşdırır. Habelə dünən məclislərdən birində görüntüsünü izləyicilərinin diqqətinə çatdırıb.
Qeyd edək ki, Gədəbəy rayonunun Saratovka kəndində toy şənliyində davulçu kimi iştirak edən Aysel Xıdırovanın idarə etdiyi "Chevrolet" markalı avtomobil qəzaya uğrayıb.
Hadisə nəticəsində Aysel Xıdırovanın və azyaşlı övladının qolu sınıb. Bildirilir ki, onların müalicəsi hazırda ev şəraitində davam etdirilir.
