Gəncədə Türkiyədə zəlzələdən zərər çəkmiş ailələr üçün yardım toplanır. Bu haqda Gencexeber.az-a 7 fevral tarixində məlumat daxil olub.
Təşəbbüs “Qardaşlıq” qrupu tərəfindən irəli sürülüb. Yardım etmək istəyən sakinlər “Qardaş köməyi” aksiyasına qatıla bilərlər. Toplanan geyim və ərzaqlar Türkiyənin Baş Konsulluğu tərəfindən ehtiyacı olanlara yollanacaq.
Baş konsulluq tərəfindən lazım olanların siyahısı verilib. Onu təqdim edirik:
- Palto;
- Yağış plaşı;
- Qışlıq çəkmələr;
- Sviterlər;
- Qalın şalvarlar;
- Əlcək;
- Şərf;
- Papaq;
- Corab;
- Alt geyimləri;
- Konservlər;
- Uşaq yeməkləri, quru süd;
- Uşaq paltarları;
- Uşaq bezi, nəm salfet;
- Təmizlik və gigiyenik vasitələr;
- Qadın bezi;
- Çadır;
- Yataq;
- Döşək (çadır üçün);
- Yorğan, örtük;
- Tulum yataq;
- Qaz balonu (boş);
- Tüp;
- Termos;
- Əl fənəri;
- Poverbank;
- Generator.
Yardımları “Qardaşlıq” qrupunun qərargahı olan Təbriz küçəsi, 10 ünvanına çatdırmaq lazımdır. Əlavə məlumat üçün (050) 758 76 77 nömrəsi ilə Elman Allahverdiyevlə əlaqə saxlamaq olar.
