21.4 C
Gence
21.4 C
Gence

Gəncəli şəhid: 19 nəfəri xilas edərkən, sonuncu gülləni özünə saxladı

1992-ci ildə qəhrəmancasına şəhid olmuş oğlu haqqında valideyin Gencexeber.az ilə bölüşüb.

Əliyev Xəlil Novruz oğlu 1972-ci ildə Gəncə şəhərində anadan olub. 1991-ci ildə həqiqi hərbi xidmətə yollanan Xəlil, qulluğunun 6 ayı bitdikdən sonra könüllü döyuşlərə qatılıb. O, Ağdam rayonunda Şuşa batalyon sıralarında döyüşüb.

Xəlil Əliyev Ağdamın Qarakənd yaşayış məntəqəsində 20 nəfərlik qrupla mühasirəyə düşmüşdür. Orada ağır yaralanmasına baxmayaraq 19 nəfərin xilas olunmasını təmin etmişdir. Özü əsir düşməsin deyə, son gülləsi ilə özünü vuraraq şəhadətə qovuşmuşdur. 19 sentyabr 1992-ci ildə o, şəhidlik zirvəsinə ucalmışdır.

Qeyd edək ki, Xəlilin atası oğlunun şəhidlik zirvəsinə ucalması haqda 19 sentyabr, böyük oğlunun toyu günü xəbər alıb.

Foto Gencexeber.az
Foto Gencexeber.az

Ən Çox Oxunan