Gəncənin Nizami prospektində kanalizasiya xətti partlayıb. Bu haqda Gencexeber.az-a dekabrın 25-i məlumat daxil olub.
Hadisə köhnə Şəmkir avtovağzalının yanında qeydə alınıb. Əraziyə texnika və canlı qüvvə cəlb olunub. Borunun partlayan hissəsi aşkar olunub və asfalt dağıdılaraq qazılıb.
Aidiyyəti qurumun əməkdaşları iki tərəfli yolun bir hissəsində təmir işlərinin görüldüyünü bildirmək məqsədilə nişanlar qoyublar. Verilən məlumata əsasən, əraziyə pis qoxu yayılıb.
Daha öncə, İsrafil Məmmədov küçəsində kanalizasiya quyusunun daşması haqda məlumat vermişdik.
[caption id="attachment_7425" align="alignnone" width="300"]
Foto Gencexeber.az[/caption]
