Gəncədə qədim şəhərimizin tarixi səhifələrini yaşadan muzeylər fəaliyyət göstərir. Gəncəxəbər.az redaksiyası olaraq həmin mədəniyyət ocaqlarının siyahısını toplayaraq oxucularımıza təqdim edirik.
- Nizami Gəncəvi Muzeyi. Bakı-Yevlax şosesində yerləşir (şəhərin çıxacağında). Bazar günü xaric, hər gün saat 10:00-dan 17:00-dək açıqdır. Giriş tələbələr üçün 50 qəpik, şagirdlərə 20 qəpik, bağça və fiziki məhdudiyyətli uşaqlara pulsuzdur. Xarici vətəndaşlar üçün biletin qiyməti 2 manatdır.
- Azərbaycan Xalq Cümhuriyyəti Muzeyi. Azərbaycan Dövlət Aqrar Universitetinin binasında, Atatürk prospekti, 450 ünvanında yerləşir. Muzey həftənin 6 günü saat 9:00-dan 18:00-dək işləyir. Giriş ödənişsizdir.
- Gəncə Qala qapıları – Arxeologiya və Etnoqrafiya Muzeyi Abidə Kompleksi. Şəhərin girişində yerləşir. Muzey həftəiçi hər gün saat 9:00-dan 18:00-dək işləyir. Giriş pulsuzdur.
- Hərb tarixi Muzeyi. Öncəki abidənin ikinci mərtəbəsindədir.
- Heydər Əliyevin Xatirə Muzeyi. Heydər Əliyev Mərkəzində (eyniadlı parkda) yerləşir. Muzey hər gün saat 9:00-dan 17:00-a kimi fəaliyyət göstərir. Giriş ödənişsizdir.
- Miniatür Kitab Muzeyi. Heydər Əliyev adına Baş Meydanda (şəhər İcra Hakimiyyəti binasının qarşısında) yerləşir. Muzey təmirdə olduğu üçün müvəqqəti olaraq işləmir.
- Tarix-Diyarşünaslıq Muzeyi. Atatürk prospektində yerləşir. Müvəqqəti olaraq təmirə bağlanıb.
- Patoloji Anatomiya Muzeyi. Azərbaycan Dövlət Aqrar Universitetinin nəzdində fəaliyyət göstərir.
- Müasir İncəsənət Muzeyi. Heydər Əliyev Mərkəzinin yanında yerləşir. Hazırda fəaliyyət göstərmir.
- Məhsəti Gəncəvi Muzeyi. Əttarlar küçəsində yerləşir. Muzey həftənin 5 günü saat 9:00-dan 18:00-dək işləyir. Giriş pulsuzdur.
Xatırladaq ki, daha öncə ev-muzeylər haqda məlumat vermişdik.
