Respublikanın Əməkdar artisti, Gəncə Dövlət Filarmoniyasının solisti Tural Abdullayev növbəti – beşinci ali diplomunu alıb.
Gencexeber.az-ın məlumatına əsasən, o , Azərbaycan Milli Konservatoriyasında Xalq artisti Azər Zeynalovun sinfini bitirib.
T.Abdullayev 1982-ci ildə Gəncə şəhərində ziyalı ailəsində anadan olub. O, Xalq artisti Şahnaz Haşımovanın oğludur, babası da aşıq sənətinin tanınmış nümayəndələrindən olub.
Tural Abdullayev 1997-ci ildə "Gənclik-97" Respublika müsabiqəsinin qalibi olub. O, illər ərzində Azərbaycan musiqisini Norveç, İsveç, Almaniya, Litva, Latviya, Polşa, Oman, Türkmənistan, İran, Böyük Britaniya, Türkiyə, Macarıstan və digər ölkələrdə uğurla təmsil edib.
Sənətçi 1997-ci ildən Gəncə Dövlət Filarmoniyasının solistidir, 2016-cı ildən isə Gəncə Musiqi Kollecində vokal müəllim kimi fəaliyyət göstərir.
Tural Abdullayev 2008-ci ildə Azərbaycan Respublikasının Prezidenti tərəfindən "Əməkdar artist" fəxri adına layiq görülüb.
