Gədəbəydə 51 yaşlı kişinin başına bədbəxt hadisə gəlib.
Apa məlumat verir ki, hadisə Gərgər kəndindəki otlaq sahəsində qeydə alınıb.
1973-cü il təvəllüdlü Elman Əli oğlu Musayev biçənək sahəsindəki ot preslərini yük avtomobilinə yükləyərkən istirahət etmək üçün həmin avtomobilin arxa təkərlərinin yanında yerə uzanıb. Bu zaman sürücü maşını arxaya doğru hərəkət etdirərkən E.Musayevin üzərindən keçib. Nəticədə sonuncu aldığı xəsarətlərdən Gədəbəy rayon Mərkəzi Xəstəxanasında dünyasını dəyişib.
Faktla bağlı araşdırma aparılır.
