Gəncədə avtomobil qəzası baş verib. Bu haqda Gencexeber.az-a 30 aprel tarixində məlumat daxil olub.
Hadisə Yeni Gəncə yaşayış massivi ərazisində, Mir Cəlal Paşayev və Həmidə Məmmədquluzadə küçələrinin kəsişməsində qeydə alınıb. “Araz” marketin yaxınlığında “Range Rover” markalı avtomobil dönmə əməliyyatını etmək istəyən “VAZ 2106”ya çarpılıb. Daha sonra sonuncu səkiyə və oradakı ağaca dəyib.
Nəticədə “VAZ 2106”nın sürücüsü ayağından xəsarət alıb. Əraziyə polis əməkdaşları cəlb olunublar. Faktla bağlı araşdırma aparılır.
Bildirilir ki, qəzaya səbəb “Range Rover”in yüksək sürətlə hərəkət etməsi olub.
