Gəncədə sakinləri narahat edən məsələ yaranıb. Bu haqda Gencexeber.az-a 18 iyun tarixində məlumat daxil olub.
Söhbət Turqut Ozal küçəsindəki iaşə obyektindən gedir. Adıçəkilən ərazidə yerləşən “Altun” restoranından çıxan tüstü və xoşagəlməz qoxu ətrafda yaşayan sakinlərin narahatlığına səbəb olub.
Sakinlərin sözlərinə görə, iaşə obyektinin yeməkxanasından ətrafa tüstü və xoşagəlməz qoxu yayılır. Bu hal sakinlərə mənfi təsir göstərir.
“Ərazidən keçmək olmur, yeməkxananın tüstüsü aləmi bürüyüb. Bu məsələni həll etsinlər”, – deyə ətrafda yaşayan sakinlər bildiriblər.
