Gəncədə Soyqırımı Günü ilə bağlı tədbir keçirilib. Bu haqda 31 mart tarixində YAP Gəncə şəhər təşkilatına istinadən məlumat veririk.
Tədbir YAP Gəncə şəhər təşkilatında təşkil olunub. Təşkilatın sədr müavini Nurəddin İbrahimov erməni silahlı dəstələrinin azərbaycanlılara qarşı törətdikləri qırğının xalqımızın tarixinə qanlı hərflərlə yazıldığını, erməni qəsbkarlarının Vətənimizə və xalqımıza qarşı məkrli addımlar atdığını diqqətə çatdırıb.
Daha sonra Gəncə Dövlət Universitetinin Azərbaycan tarixi kafedrasının dosenti Cavid Bağırzadə, Türkan Əhmədova, Sevda Paşayeva, Azər Axundov, Elçin Axundov, Sahib Əmiraslanov və digərləri çıxış ediblər. Natiqlər ermənilərin 1918-ci ilin mart ayında azərbaycanlılara qarşı törətdikləri vəhşiliklərin, faciənin yaddaşlardan heç zaman silinməyəcəyini bildiriblər.
