Gəncədə növbəti iməcilik aksiyası keçirilib. Bu haqda 3 avqust tarixində MKTİB-yə istinadən xəbər veririk.
Bir müddət öncə yağan leysan yağışlarından sonra küçələrdə, yollarda, səkilərdə yaranan palçıq və toz kütləsinin təmizlənməsi işləri davam etdirilir. İşlər şəhərin Şah İsmayıl Xətai prospektinə çıxan Xaqani, Abdulla Şaiq, Səməd Vurğun və Mehti Hüseynzadə küçələrində MKTİB-nin Ərazi Xidmət Sahələrinin əməkdaşları tərəfindən həyata keçirilib.
Avtomobillərin və piyadaların rahat hərəkətinin təmin edilməsinə xidmət edən təmizlik aksiyası çərçivəsində adıçəkilən ərazi alaq otları və məişət tullantılarından təmizlənib, yağış və digər su axarlarını tənzimləyən arxlarda yığılıb qalan məişət tullantıları və yarpaq kütləsi bir yerə yığılaraq ərazidən daşınması təmin edilib. Aksiya çərçivəsində şəhər MKTİB-nin xüsusi texnikaları və canlı qüvvəsi tərəfindən müxtəlif ərazilərdə zibil qutularının ətrafında səliqə-sahman yaradılıb.
