Gəncədə təmizlik aksiyası baş tutub. Bu haqda 14 avqust tarixində MKTİB-yə istinadən məlumat veririk.
İməcilik şəhərin Zərifə Əliyeva küçəsində, "Xaraba yeri" adlanan ərazidə təşkil olunub. Burada MKTİB-nin 6 saylı Ərazi Xidmət Sahəsinin əməkdaşları və canlı qüvvəsi çalışıb. Adıçəkilən məkanda yol kənarlarına atılan məişət tullantıları və toz-torpaqdan təmizlənib. Küçə və döngələr səliqəyə salınıb, alaq otları biçilib, mövcud zibil qutularının ətrafında səliqə-səhman yaradılıb.
Bildirilir ki, analoji tədbirlər şəhərin müxtəlif ərazilərində təşkil olunur.
