Gəncədə sosial layihə start götürüb. Bu haqda Gencexeber.az-a 14 iyul tarixində məlumat daxil olub.
“Regional inkişaf üzrə maarifləndirmə” ictimai birliyi Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Gəncə şəhərində və ətraf rayonlarda yaşayan, xüsusi qayğıya ehtiyacı olan uşaqların (o cümlədən autizm və daun sindromlu) sosial və psixoloji reabilitasiyasının gücləndirilməsi” layihəsinin icrasına başlayıb. Proyekt 2 ay davam edəcək. Məqsəd xüsusi qayğıya ehtiyacı olan uşaqların sosial və psixoloji reabilitasiyasının gücləndirilməsidir.
Layihə çərçivəsində 20 nəfər xüsusi qayğıya ehtiyacı olan uşaq (autizm, Daun sindromu, mikrosefaliya, uşaq serebral iflici, əqli gerilik, nitq qüsuru, nitq ləngiməsi) üçün fərdi intensiv reabilitasiya məşğələləri və onların valideynləri üçün məsləhət xidməti təşkil olunacaq.
Reabilitasiya Mərkəzinin fəaliyyətinə Gəncə ilə yanaşı, ətraf rayonların xüsusi qayğıya ehtiyacı olan uşaqları da cəlb edilib.
