Gəncədə gənclər vaxtlarını əyləncəli və səmərəli keçiriblər. Bu haqda 18 iyun tarixində GİKM-in regional nümayəndəliyinə istinadən xəbər veririk.
"Düşərgə Adamı" layihəsi çərçivəsində daha bir görüş baş tutub. "Xəmsə Səyyah" dəstəsinin lideri Mehin Məmmədli tərəfindən gənclərlə görüş olub. Burada onlara skaut prinsipləri və dəyərləri haqqında məlumat verilib. Daha sonra çadır qurmağın qaydası praktiki izah olunub.
Layihə Gənclərin İnkişaf və Karyera Mərkəzinin regional nümayəndəliyinin və Azərbaycan Skautlar Assosiasiyasının birgə təşkilatçılığı ilə həyata keçirilib.
