Gəncədə daha bir bina qəzalı vəziyyətdədir. Bu haqda 28 mart tarixində Space TV-yə istinadən məlumat veririk.
Söhbət şəhərin Muxtar Hacıyev küçəsində yerləşən 3 saylı binadan gedir. Hazırda 280 nəfərin yaşadığı tikili vaxtilə Gəncə Xalça Kombinatının yataqxanası olub.
Sakinlər bildirirlər ki, vəziyyət o həddə çatıb ki, külək əsəndə bina silkələnir. Tikili 1983-cü ildə inşa olunub. Burada yaşayanların sözlərinə görə, onlar hər yerə müraciət ediblər. Lakin problemləri həllini tapmayıb.
“Bütün kubiklərin suvağının keyfiyyəti artıq ölüb. Güclü zəlzələ olsa, bina yox vəziyyətindədir”, - deyə sakin bildirib.
