Gəncə-Daşkəsən Regional Təhsil İdarəsinin müdiri Anar Qədiməliyev təhsil işçiləri ilə görüşüb. Bu haqda 15 avqust tarixində Regional Təhsil İdarəsinə istinadən xəbər veririk.
Görüşdə Təhsildə inkişaf və innovasiyalar üzrə VIII qrant müsabiqəsinin qalibi olmuş təhsil işçiləri iştirak ediblər. Burada layihələrin faydalılığı və davamlı olmasının vacibliyi qeyd olunub. Həmçinin, tədbirlər planının əsasən ardıcıl şəkildə icra olunmasının əhəmiyyəti vurğulanıb.
Qeyd edək ki, müsabiqənin nəticələrinə əsasən Gəncə şəhərində 4 layihə qalib elan edilib.
