Gəncədə avtomobil qəzası baş verib. Bu haqda 21 avqust tarixində Report-a istinadən məlumat veririk.
Hadisə şəhərin ərazisində qeydə alınıb. 25 yaşlı Göygöl rayon sakini R.Cəfərov idarə etdiyi "VAZ 2107" markalı avtomobillə hərəkətdə olan zaman idarəetməni itirib. Nəticədə maşın aşıb.
Qəza zamanı avtomobildə olan 21 yaşlı sərnişin, Gəncə şəhər sakini Teymur Bayramov aldığı xəsarətlərdən dünyasını dəyişib.
Faktla bağlı araşdırma aparılır.
