Gəncədə vətəndaşların seçki hüququna həsr edilən tədbir keçirilib. Bu haqda 2 avqust tarixində Report-a istinadən xəbər veririk.
Tədbir növbədənkənar parlament seçkiləri ilə əlaqədar “Vətəndaşların seçki hüququnun təmini” mövzusunda olub. Burada Ombudsman Aparatının rəhbəri Aydın Səfixanlı və seçki komissiyalarının üzvləri iştirak ediblər. Toplantı Azərbaycan Respublikasının İnsan Hüquqları üzrə Müvəkkilinin (Ombudsman) və Mərkəzi Seçki Komissiyasının (MSK) birgə təşkilatçılığı ilə keçirilib.
“Tədbirin keçirilməsində məqsəd dairə, məntəqə seçki komissiyaları üzvlərinin peşə və hüquq mədəniyyətinin artırılması, həmçinin seçki günü müşahidəçi olan şəxslər üçün qanunda nəzərdə tutulan hüquqların realizəsinə şəraitin yaradılması ilə bağlı onları maarifləndirməkdir”, – deyə A.Səfixanlı qeyd edib.
