Gəncədə Elmi Şuranın iclası keçirilib. Bu haqda 30 mart tarixində UTECA-ya istinadən məlumat veririk.
Elmi Şuranın iclası Azərbaycan Texnologiya Universitetində təşkil olunub. Universitetin rektor əvəzi, Elmi Şura sədri Yaşar Ömərov kvorumu nəzərə alaraq iclası açıq elan edib, gündəlikdə duran məsələləri şura üzvlərinin diqqətinə çatdırıb. Daha sonra Elm və beynəlxalq əlaqələr üzrə prorektor əvəzi Mayıs Gülalıyev keçiriləcək konfranslar, universitet strukturunun optimallaşdırılması və yeni struktur bölmələrinin yaradılması barədə çıxış edib. Marketinq və Menecment kafedralarının müdirlərinin hesabatları dinlənilib, tədris-metodiki vəsaitləri təsdiq olunub. Elmi Şuranın gündəliyində olan məsələlərlə bağlı müzakirələr aparılıb, tövsiyə və tapşırıqlar verilərək müvafiq qərarlar qəbul edilib.
İclas çərçivəsində universitet əməkdaşları - şöbə müdiri Mərziyə Hüseynova, Maşın mühəndisliyi və logistika kafedrasının dosenti Surxay Əliyev yubileyləri münasibətilə səmərəli fəaliyyətlərinə görə təltif olunublar.
