Gəncədə sosial təşəbbüs baş tutub. Bu haqda 27 iyul tarixində Kəpəz televiziyasına istinadən məlumat veririk.
Şəhərin Akademik Zülfüqar Məmmədov adına xəstəxanasında tibbi aksiya təşkil olunub. Burada uşaqlar pulsuz müayinə ediliblər. Aksiyada paytaxt və regionlardakı tibb müəssisələrindən dəvət olunmuş pediatr, radioloq və uşaq cərrahları yer alıblar.
Qeyd edək ki, təşəbbüs İcbari tibbi sığorta üzrə dövlət agentliyi, TƏBİB və Koreya Beynəlxalq Əməkdaşlıq Agentliyinin Azərbaycan Nümayəndəliyinin birgə təşkilatçılığı ilə keçirilib.
