Gəncədə vəkillər üçün təlim keçirilib. Bu haqda 5 iyul tarixində Vəkillər Kollegiyasına istinadən məlumat veririk.
“Uşaqyönümlü hüquqi yardım (Uşaqların hüquqlarının cinayət, inzibati və mülki instansiyalarda müdafiəsində vəkilin fəaliyyəti)” mövzusunda təlim Vəkillər Kollegiyası ilə “Unicef Azərbaycan”ın birgə əməkdaşlığı çərçivəsində baş tutub. Tədbir “SOS Uşaq Kəndləri - Azərbaycan” assosiasiyasının Gəncə şəhər ofisinin təlim zalında təşkil olunub.
Burada təlimçi qismində Vəkillər Kollegiyasının üzvü, uşaq hüquqları üzrə ekspert Rafiq Alışov çıxış edib. Təlimə Gəncə şəhər 1 saylı vəkil bürosunda, Daşkəsən və Göygöl rayonlarında fəaliyyət göstərən 18 vəkil qatılıb.
