Gəncədə UNİCEF tərəfindən layihə başlayır. Bu haqda 13 iyul tarixində Nizami Bələdiyyəsinə istinadən məlumat veririk.
"Uşaqlara qarşı zorakılığın qarşısının alınması üçün icma əsaslı sosial xidmətlər" layihəsi UNİCEF Azərbaycan Ofisinin maliyyə dəstəyi ilə SOS Uşaq Kəndləri - Azərbaycan Assosiasiyası İctimai Birliyinin təşkilatçılığı ilə həyata keçirilir. Proyekt 1 il müddətində Gəncə şəhəri və ətraf rayonlarda zorakılıq və cinayət qurbanı olan və qanunvericiliklə münaqişəsi olan uşaqlara və onların valideynlərinə icma əsaslı sosial-hüquqi xidmətlər göstərməyi nəzərdə tutur.
Layihənin fəaliyyətlərinin daha effektiv olması və müvafiq dövlət qurumlarının prosesdə yaxından iştirakını təmin etmək məqsədilə İctimai Məşvərət Şurası yaradılıb və Nizami Bələdiyyəsi bu şuranın üzvü olaraq seçilib. Məşvərət Şurasının üzvləri rübdə bir neçə dəfə görüşməklə benefisial uşaqların çətinliklərinin və müvafiq inkişaf imkanlarının müzakirələrini aparacaqlar.
