Gəncədə turizmlə bağlı təlimlər baş tutub. Bu haqda 20 iyul tarixində Gəncə Destinasiya Menecmenti Təşkilatına istinadən məlumat veririk.
“Turizmdə marketinq, qonaqlama və bələdçilik” adlı təlimlər "Gəncə şəhərində və Gəncə ətrafında qeyri-mehmanxana qonaqlama imkanlarının artırılması məqsədilə mikrosahibkarlara dəstək və onların bacarıqlarının artırılması" layihəsi çərçivəsində təşkil olunub. Gəncə Regional Turizm İdarəsinin əməkdaşı Leyla Rzayeva turizm sahəsində təlimlərin region üçün əhəmiyyətindən danışıb.
İki günlük seminarlara bu sahədə təhsil alan və bələdçilik peşəsini peşəkar öyrənmək istəyən 22 gənc cəlb olunub. Təlimlərin sonunda sertifikatlar təqdim edilib.
