Gəncədə təlimlər keçirilib. Bu haqda 13 iyul tarixində Destinasiya Menecmenti Təşkilatına istinadən məlumat veririk.
“Qonaqlama işinin təşkili” və “Rəqəmsal marketinq və beynəlxalq qonaqlama platformalarında listinq” təlimləri Dövlət Turizm Agentliyi tərəfindən "Turizm sahəsində layihələrin maliyyələşdirilməsi üzrə 1-ci qrant müsabiqəsi" çərçivəsində baş tutub. Burada ilkin mərhələdə Gəncə və Göygöl rayonundan 15 fərdi sahibkar iştirak edib.
Burada fərdi sahibkarlar öz qonaqlama biznes obyektlərini beynəlxalq qonaqlama platformalarında necə listinq etməyi, marketinq və reklam işinin təşkilini, qonaq qəbul etmə və qonaqlama xidmətlərinin yüksək səviyyədə göstərilməsini öyrəniblər. “Yerli Ekspertlər Şəbəkəsi”nin eksperti Samir Zamanov Gəncə və Göygöl ərazisində yaşayan qeyri-mehmanxana, qonaqlama, hostel, yay evləri kirayəsi ilə məşğul olan sahibkarlar üçün göstərilən mövzular üzrə təlimlər həyata keçirib.
3 gün davam edən təlimlərin sonunda sertifikatlar təqdim olunub.
