Gəncədə sürücüləri narahat edən şəxs aşkarlanıb. Bu haqda 23 aprel tarixində Qafqazinfo-ya istinadən məlumat veririk.
Sosial şəbəkələrdə bir nəfərin hərəkətdə olan avtomobillərə silah tuşlamasının görüntüləri yayılıb. Daxili İşlər Nazirliyinin Mətbuat Xidmətinin Gəncə regional qrupundan bildirilib ki, görüntülər bir müddət əvvəl Gəncədə qeydə alınıb.
Vətəndaşın oyuncaq silahla avtomobillərin qarşısını kəsməsini əks etdirən görüntülər polis əməkdaşları tərəfindən araşdırılıb. Məlum olub ki, videodakı şəxs əqli qüsurlu şəhər sakini Ə.Gülməmmədovdur. O və valideyni ilə profilaktiki söhbət aparılıb.
Bundan başqa, polis əməkdaşı Gülməmmədovun ixtisaslaşdırılmış tibb müəssisəsinə yerləşdirilməsi üçün aidiyyəti dövlət qurumlarına müraciət edib.
