Gəncəli tələbələrə könüllülük fəaliyyəti haqqında məlumat verilib. Bu haqda 7 noyabr tarixində ADAU-ya istinadən xəbər veririk.
Azərbaycan Dövlət Aqrar Universitetinin Torpaqşünaslıq və Aqrokimya fakültəsində könüllü fəaliyyətin təbliğ olunması ilə bağlı maarifləndirici görüş keçirilib. Tədbir 2 saylı Gəncə regional "ASAN xidmət" mərkəzinin könüllülərinin təşəbbüsü ilə baş tutub.
Görüşdə 2 saylı regional "ASAN xidmət" mərkəzinin Könüllülər üzrə məsul şəxsi Elnur Şabanzadə və "ASAN Könüllüləri" təşkilatının nümayəndəsi Mayıl Hüseynov çıxış ediblər. Onlar könüllülük fəaliyyətinin qanunvericiliklə qadağan edilməyən, işlərin görülməsi və ya xidmətlərin göstərilməsi ilə bağlı ictimai faydalı və gəlirsiz fəaliyyət hesab olunduğunu bildiriblər.
Tədbirdə, həmçinin könüllü olmaq istəyən tələbələrin müraciətləri qəbul olunub.
