Gəncədə intellektual müsabiqə təşkil olunub. Bu haqda 1 noyabr tarixində ADAU-ya istinadən xəbər veririk.
ADAU-da Kənd Təsərrüfatı İşçiləri Gününə həsr edilən fakültələrarası bilik yarışı keçirilib. Tədbirdə tərbiyə işləri üzrə prorektor Aidə Qasımova çıxış edib. O, hazırda ölkəmizdə qeyri-neft sektorunun ən aparıcı sahələrindən olan aqrar sahənin keyfiyyətcə yeni inkişaf mərhələsinə qədəm qoyduğunu, həmçinin bu sahənin daha da inkişaf edəcəyini bildirib.
Daha sonra intellektual oyun start götürüb. Müsabiqənin qalibi Zoomühəndislik fakültəsini təmsil edən "Turan" komandası olub.
Tədbirin sonunda qaliblər fəxri fərmanlar və hədiyyələrlə mükafatlandırılıblar.
Qeyd edək ki, yarış Azərbaycan Dövlət Aqrar Universitetinin Tələbə Gənclər Təşkilatının təşkilatçılığı və Tələbə Həmkarlar İttifaqı Komitəsinin dəstəyi ilə baş tutub.
