Gəncə Dövlət Universitetinin nəzdindəki Regional Kollecdə tədbir baş tutub. Bu haqda 17 aprel tarixində Regional Kollecə istinadən xəbər veririk.
Təhsil ocağında “Narkomaniyaya “YOX” deyək!” adlı tədbir təşkil olunub. Burada 1-ci polis şöbəsinin əməkdaşları çıxış ediblər. Onlar bildiriblər ki, narkomaniya təkcə bəşəriyyətin sağlamlığına, mənəvi dünyasına deyil, qlobal dünya iqtisadiyyatına da narkoticarət yolu ilə ağır və sağalmaz yaralar vurmaqdadır.
Daha sonra məruzəçilər tərəfindən sağlamlıq üçün ciddi təhlükə yaradan və cinayətkarlığın artmasına təkan verən narkomaniyanın ən böyük sosial bəlalardan biri olduğu barədə ətraflı məlumat verilib. Görüşün sonunda narkomaniya ilə bağlı videoçarx nümayiş olunub.
