Gəncə-Daşkəsən Regional Təhsil İdarəsi tərəfindən aparılan yoxlama və monitorinqlər nəticəsində nöqsanlar aşkarlanıb. Bu haqda 27 aprel tarixində Regional Təhsil İdarəsinə istinadən xəbər veririk.
Təhsil müəssisələrində yoxlama və monitorinqlər keçirilib. Nəticədə əmək qanunvericiliyinin tələblərinin pozulduğu, sənədləşmə işlərinin düzgün aparılmadığı, müəssisəyə rəhbərlik və nəzarətin zəif təşkil olunduğu, mövcud qanunvericiliyin tələblərinin kobud şəkildə pozulduğu, digər nöqsan və çatışmazlıqlara yol verildiyi aşkar edilib.
Nöqsanlara əsasən, müəssisəyə rəhbərlik və nəzarətdə ciddi nöqsanlara yol verdiyinə, vəzifə səlahiyyətlərindən sui-istifadə etdiyinə, əmək müqaviləsi üzrə öhdəlikləri və vəzifə funksiyalarını yerinə yetirmədiyinə görə 52 saylı Körpələr Evi - Uşaq Bağçasının müdiri Məktəbəqədər və Ümumi Təhsil üzrə Dövlət Agentliyinin müvafiq əmrinə əsasən, tutduğu vəzifədən azad edilib.
