Gəncədə kommunal qəza baş verib. Bu haqda Gencexeber.az-a 25 iyul tarixində məlumat daxil olub.
Hadisə 3-cü mikrorayonda qeydə alınıb. 26 saylı binanın qarşısındakı ərazidə sakinləri su ilə təchiz edən boru partlayıb. Nəticədə məhəllə boyunca su axmağa başlayıb.
Sakinlərin sözlərinə görə, bu hal bir həftəyə yaxındır davam edir.
“Borunun partlaması, eyni zamanda məhəllənin asfaltsız olması nəticəsində palçıq əmələ gəlir. Bu hal həm böyüklərin hərəkətinə, həm də uşaqların tətildə asudə vaxtını əyləncəli keçirməsi üçün maneə yaradır. Aidiyyəti qurumdan kommunal qəzanı aradan qaldırmalarını istəyirik”, - deyə vətəndaşlar əlavə ediblər.
