Gəncə Şəhər Birləşmiş Xəstəxanasında seminar keçirilib. Bu haqda 29 aprel tarixində Şəhər Birləşmiş Xəstəxanasına istinadən xəbər veririk.
Seminar “Vəba xəstəliyinin epidemiologiyası, klinika, diaqnostika, müalicə və digər xüsusi təhlükəli xəstəliklərə qarşı aparılan profilaktik və əks-epidemik tədbirlər” mövzusunda aparılıb. Burada tibb müəssisəsinin, Gəncə Epidemiologiya Mərkəzinin əməkdaşları iştirak ediblər.
Tədbirdə Şəmkir Regional Xüsusi Təhlükəli İnfeksiyalara Nəzarət Mərkəzinin həkim-epidemioloqu Ramilə Piriyeva və direktor müavini Musa İsayev çıxış ediblər. Onlar vəba xəstəliyinin epidemiologiyası, klinika, diaqnostika, müalicə və digər xüsusi təhlükəli xəstəliklərə qarşı aparılan profilaktik və əks-epidemik tədbirlər haqqında məlumatlar veriblər.
