Samux rayonunda şəhid və qazilərin məktəbli övladlarına, aztəminatlı ailələrdən olan rayon məktəblilərinə məktəb ləvazimatları və çantaları hədiyyə edilib.
Unikal xəbər verir ki,rayonun Seyidlər və Qədilli, Gürcüstan Respublikası ilə sərhəddə yerləşən Poylu, Salahlı və Kəsəmən kəndlərində həssas əhali qrupu ilə keçirilən görüşdə Rayon İcra Hakimiyyətinin başçısı Firdovsi Əliyev, Türkiyə Cümhuriyyətinin Gəncə şəhərindəki Baş Konsulu Recep Öztop, İcra Hakimiyyətinin əməkdaşları, şəhid ailələri, müəllimlər, məktəblilər və valideynlər iştirak ediblər.
Görüşdə RİH-nin başçısı və Baş Konsul tərəfindən uşaqlara məktəb ləvazimatları və çantaları təqdim edilib.
