Gəncə sakinləri su ilə bağlı problemlər yaşayırlar. Bu haqda 3 avqust tarixində ATV-yə istinadən xəbər veririk.
Söhbət Ələkbər Seyfi küçəsi, dalan 2-dən gedir. Burada yaşayan sakinlərin sözlərinə görə, 2 ilə yaxındır ki, onlar su problemi ilə üz-üzədirlər. Onlar isti yay aylarında məişətdə istifadə üçün suyu maşınla aldıqlarını bildiriblər.
“Su pulu hər ay vaxtlı-vaxtında ödəsək də, suyumuz yay aylarında heç gəlmir. Gün ərzində 1 saat su verilir, ya yox”, – deyə sakinlər qeyd ediblər.
Məsələ ilə bağlı İri Şəhərlərin Birləşmiş Su Təchizatı Xidməti bildirib ki, adıçəkilən ərazidə su təzyiqi zəifləyib. Sukanal İdarəsi həmin xəttin açılmasını təmin edib və su bundan sonra yüksək təzyiqlə gəlməyə başlayacaq.
