Gəncədə qanunsuz maneələr yığışdırılıb. Bu haqda 10 iyul tarixində MKTİB-yə istinadən məlumat veririk.
Bir müddət öncə şəhərin 1-ci mikrorayon ərazisində salınan məhəllədaxili yollara bəzi sakinlər tərəfindən edilən müdaxilələrin qarşısı alınıb. Məhəlləyə yüksək sürətlə daxil olan avtonəqliyyat vasitələri əsas gətirilərək yollara qoyulan maneələr, yəni daş və taxta parçaları MKTİB-nin texnikası və canlı qüvvəsi tərəfindən yığılaraq ərazidən daşınıb.
Qeyd olunub ki, bu yollarda süni maneələr hərəkəti məhdudlaşdırmaqla yanaşı, həm də yaşayış binalarında baş verə biləcək hər hansı bir fövqəladə hadisə zamanı əraziyə dövlət qurumlarının texnikalarının vaxtında girişinə mane olacaq. Həmin ərazilərdə uşaqların təhlükəsizliyinin təmin edilməsi və nəqliyyat vasitələrinin sürətli hərəkəti ilə bağlı isə Dövlət Yol Polisi tərəfindən tədbirlər görüləcək.
