Gəncədə tikililərin birinin dam örtüyü yararsız vəziyyətdədir. Bu haqda Gencexeber.az-a 30 iyul tarixində məlumat daxil olub.
Söhbət Zülfü Hacıyev küçəsindəki 56 saylı evdən gedir. Tikilinin dam örtüyünün yararsız olması burada yaşayan sakinin etirazına səbəb olub.
Vətəndaşın göndərdiyi materiallara əsasən, yağış yağanda su evə dolur. O bildirib ki, məsələ ilə bağlı aidiyyəti qurumlara bir neçə dəfə muraciət edib. Evə baxış keçirilib və dam örtüyünün yenilənəcəyi deyilib. Lakin bir ilə yaxındır ki, heç bir tədbir görülməyib.
“Yağış yağanda evimiz damır, hər yer su olur. Su axan hissələrə qablar qoyuruq. Bu yaxınlarda problemlə bağlı yenidən İcra Hakimiyyətinə müraciət etdik. Növbəti dəfə bildirdilər ki, material alan kimi düzəldəcəyik, gözləyin. Artıq bir ildir ki gözləyirik, bir xəbər yoxdur. Evimizin damının yenilənməsini istəyirik”, – deyə sakin qeyd edib.
