Gəncədə sahibkarlar üçün növbəti təlim keçirilib. Bu haqda 5 oktyabr tarixində KOBİM-ə istinadən məlumat veririk.
"Əməkhaqqının uçotu" mövzusunda maarifləndirici təlim Gəncə KOB İnkişaf Mərkəzi (KOBİM) tərəfindən təşkil olunub. Sözügedən mövzuda iki seminar baş tutub. Burada KOBİM-in eksperti tərəfindən əməkhaqlarının, vergi və digər tutulmaların hesablanması, məzuniyyətlərin növü, hesablanması və uçotu barədə ətraflı məlumat verilib.
Həmçinin əməkhaqlarından tutulmalar, işçilərin haqq-hesab sənədləri, işçilərin ezamiyyə qaydaları haqda danışılıb.
Sonda iştirakçıların mövzu ilə bağlı sualları cavablandırılıb.
