Gəncədə aqrar təlim baş tutub. Bu haqda 18 iyul tarixində Gəncə KOBİM-ə istinadən məlumat veririk.
"Aqrar sığorta" mövzusunda maarifləndirici təlim Kiçik və Orta Biznesin İnkişafı Agentliyinin (KOBİA) Gəncə KOB İnkişaf Mərkəzi (KOBİM) tərəfindən keçirilib. Tədbirdə ekspert tərəfindən aqrar sığorta mexanizmi, onun iş prinsipi və inkişaf perspektivləri, sığorta hadisəsi zamanı tələb olunan sənədlərlə bağlı məlumat verilib. Burada 17 nəfər iştirak edib. Təlimdə, həmçinin sığorta məbləğinin müəyyən edilməsi, sığorta predmeti və müqavilənin bağlanması, bu sahədə işin səmərəli təşkili barədə danışılıb.
Sonda iştirakçıları maraqlandıran suallar cavablandırılıb.
Qeyd edək ki, KOBİM tərəfindən göstərilən bütün xidmətlər ödənişsizdir.
