Şəmkir şəhərində sakinlərə vakansiyalar barədə məlumat təqdim olunacaq.
Gencexeber.az Dövlət Məşğulluq Agentliyinə istinadən məlumat verir ki, aksiya Qazax-Tovuz Regional Məşğulluq filialının təşkilatçılığı ilə baş tutacaq.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır. Burada yarmarkada iştirak edən şəxslərə vakansiyalar, iş öhdəlikləri və şərtlər haqqında daha ətraflı məlumat təqdim olunacaq.
Tədbir sentyabrın 17-si saat 11:00-da Şəmkir Olimpiya İdman Kompleksində (İpək yolu küçəsi, 1) keçiriləcək.
