Regional Mədəniyyət İdarəsi Gəncə Şəhər Mərkəzləşdirilmiş Kitabxana Sisteminin Mərkəzi Kitabxanasının Xidmət şöbəsində tədbir baş tutub. Bu haqda 26 iyul tarixində Mərkəzləşdirilmiş Kitabxana Sisteminə istinadən xəbər veririk.
Ruhəngiz Nəcəfovanın şəhid baş leytenant Mahmud Məlikova həsr olunmuş "Qələbədə payı olan Mahmudum", Nəzakət Quluzadənin şəhid leytenant Ayaz İmanzadənin qısa, lakin mənalı ömür yolundan bəhs olunan "Onu belə xatırlayıram" kitablarının təqdimatı keçirilib.
Kitablarda 44 günlük Vətən müharibəsində misilsiz qəhrəmanlıqlar göstərən hər iki şəhidin keçdiyi həyat və döyüş yolu, xatirə şəkilləri, onların təltif olunduğu orden və medallar və haqqında yazılan qısa şeirlər əksini tapıb.
