Gəncədə şəhid övladları üçün layihə təşkil olunacaq. Bu haqda 20 iyul tarixində Kəpəz televiziyasına istinadən məlumat veririk.
Proqram Yeni Azərbaycan Partiyasının Gəncə Şəhər Təşkilatının təşkilatçılığı ilə baş tutacaq. “Yay Məktəbi” dörd gün davam edəcək. Layihənin əsas məqsədi şəhid övladlarının dünyagörüşünü, bilik və bacarıqlarını artırmaq, vaxtlarını səmərəli keçirmələrinə, yeni tanışlıqlar və dostluqlar əldə etmələrinə dəstək olmaqdır.
Təşəbbüs çərçivəsində balacalar şəhərimizdə yerləşən bir çox abidələri, muzeyləri, turizm və istirahət məkanlarını gəzərək tanış olacaq, əylənəcəklər.
