Gəncədə şəhid ailəsinin kommunal problemi aradan qaldırılır.
Gencexeber.az Mənzil Kommunal Təchizatı İstehsalat Birliyinə (MKTİB) istinadən məlumat verir ki, söhbət 1990-cı il yanvarın 14-də Çaykənddə şəhidlik zirvəsinə ucalan Gəncənin ilk şəhidlərindən biri Neman Əli oğlu Vəliyevin ailəsindən gedir.
Qəhrəmanın ailəsi Abdulla Sur küçəsi, ev 13 ünvanda yerləşən evin dam örtüyünün təmirə ehtiyacı olduğunu bildirib. Bu səbəbdən əraziyə MKTİB-nin Təmir-Tikinti və Qəza xidməti şöbəsi cəlb olunub. Onlar tərəfindən dam örtüyü sökülərək yerində yeni taxta karkas yığılır. Daha sonra yeni örtük vurulacaq.
