Fikrət Əmirov adına Gəncə Dövlət Filarmoniyasında konsert keçiriləcək. Bu haqda 16 avqust tarixində İticket.az-a istinadən xəbər veririk.
Şəhərimizdə "Universum" adlı konsert proqramı baş tutacaq. Burada tanınmış pianoçu və Beynəlxalq müsabiqələr laureatları Daniil Kirillov və Anna Rasina çıxış edəcəklər. Gənc musiqiçilər V.A.Motsart, İ.S.Bax, L.V.Bethoven, P.Maskanyi, F.Mendelson, S.Raxmaninovun əsərlərini ifa edəcəklər.
Konsert proqramı 19 sentyabr tarixində saat 19:00-da təşkil olunacaq. Tədbirin biletləri 5 manatdan 15 manata qədərdir. Onları iticket.az saytından və ya Filarmoniyanın kassasından əldə etmək olar.
