İcra Hakimiyyətinin, Azerbaijan Cycling Federation, Regional Gənclər və İdman İdarəsinin, Bank "Respublika", "Bookzone" Kitab Evinin dəstəyi və Regional Təhsil İdarəsinin təşkilatçılığı ilə Gəncə şəhərində festival keçirilib. Bu haqda 3 iyun tarixində İcra Hakimiyyətinə istinadən xəbər veririk.
Heydər Əliyev Park Kompleksi ərazisindən başlayan "ECOVELOFEST" veloyürüşdə iştirakçılar 3 kilometr məsafəni qət ediblər. Yarışın nəticəsinə əsasən, 1-ci yerə Qax rayon Uşaq-Gənclər İdman-Şahmat Məktəbinin metodisti Dilarə Əhmədova, 2- ci yerə İsmayıllı rayon Cünyan kənd Uşaq Bağçasının müdiri Jalə Qasımova, 3-cü yerə isə Qusar rayon Samux qəsəbə tam orta məktəbin fiziki tərbiyə müəllimi Rahilə Əzizova layiq görülüblər.
Yarışın yekununda “Art Velo”, “FunClub”, Yaşıl dünya naminə “Velo sərgi”, “Əyləncəli velo” və “LEGO”, Velo-təlim və “Velo Steam” guşələri ilə zəngin festival təşkil edilib. "ECOVELOFEST" qaliblərin mükafatlandırılması ilə yekunlaşıb.
