Gəncədə "Kəndlərdə sahibkarlığın və özünüməşğulluğun inkişafı – 2023" layihəsi uğurla başa çatıb. Bu haqda 22 iyul tarixində Dövlət Məşğulluq Agentliyinə istinadən xəbər veririk.
Layihə çərçivəsində şəhərimizdə və Göygöldə seçilən şəxslərin turizm sahəsində sahibkarlıq fəaliyyətinə başlaması üçün onlar KOBİA və Dövlət Turizm Agentliyi tərəfindən biznes-planın hazırlanması, mühasibatlıq, qonaq evlərinin idarə edilməsi, “Booking.com” və “Airbnb.com” platformalarından qonaq qəbulu üzrə təlimlərə cəlb ediliblər.
Təlimləri uğurla tamamlayan 15 iştirakçı Dövlət Məşğulluq Agentliyi tərəfindən “Aqroturizm” istiqaməti üzrə kənd qonaq evlərinin yaradılması üçün zəruri avadanlıqlarla təmin olunublar.
