Gəncədə növbəti iməcilik aksiyası keçirilib.
Gencexeber.az Mənzil Kommunal Təsərrüfatı İstehsalat Birliyinə istinadən məlumat verir ki, şəhərdə təmizlik işləri qurumun canlı qüvvə və texnikaları vasitəsilə görülüb. Şəhərin Heydər Əliyev prospekti ilə Üzeyir Hacıbəyov küçəsinin kəsişməsinə kimi, həmçinin Rəfibəyli, Azərbaycan Bayrağı və Mir Cəlal Paşayev küçəsində genişmiqyaslı təmizlik işləri həyata keçirilib. Adıçəkilən ərazilərdə məişət tullantıları, toz-torpaq, yarpaq və digər tullantılar təmizlənib.
Eyni zamanda, 29 saylı orta məktəbinin ətrafı və ona paralel olan ərazilər məişət tullantılarından, alaq otlarından, eləcə də toz-torpaqdan təmizlənib, mövcud konteynerlərin ətrafında səliqə-sahman yaradılıb. Yığılan tullantıların ərazidən daşınması təmin edilib.
