Gəncədə sahibkarlarla görüş keçirilib. Bu haqda 29 aprel tarixində ADRA-ya istinadən məlumat veririk.
Tədbir Kiçik və Orta Biznesin İnkişafı Agentliyinin təşkilatçılığı ilə baş tutub. Burada bir sıra dövlət qurumları ilə yanaşı, Azərbaycan Respublikası Dövlət Reklam Agentliyinin nümayəndələri də sahibkarlarla görüşüblər.
Yığıncaqda açıq məkanda reklamı olan sahibkarlar arasında əlaqələrin qurulmasının əhəmiyyəti vurğulanıb. Görüşdə Gəncə Regional Reklam İdarəsinin Estetik nəzarət şöbəsinin müdiri Ramin Kazımov iş adamlarının suallarını cavablandırıb. Həmçinin bu sahədə qanunvericiliyə edilən son dəyişikliklər barədə məlumat verilib, Agentliyin 1412 Çağrı Mərkəzinin vətəndaşların suallarını operativ şəkildə cavablandırmağa hazır olduğu diqqətə çatdırılıb, qurumun KOB evlərində də sahibkarlara xidmət göstərdiyi bildirilib.
